The Summer News
×
Saturday, 08 February 2025

19 ਸਾਲ ਬਾਅਦ ਜਦੋ ਮਿਲੇ ਪਿਓ-ਪੁੱਤ ਤਾਂ ਘੁੱਟ ਕੇ ਪਾਈ ਜੱਫੀ

ਅੰਮ੍ਰਿਤਸਰ, 26 ਅਗਸਤ: ਪੰਜਾਬ ਤੋਂ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਸੁਖਪਾਲ ਸਿੰਘ ਲਈ ਸਮਾਂ ਰੁਕ ਜਿਹਾ ਗਿਆ ਜਦੋਂ ਉਹ ਅਚਾਨਕ ਆਪਣੇ ਜਾਪਾਨੀ ਪੁੱਤਰ ਨੂੰ ਮਿਲਿਆ। ਜਿਸ ਨੂੰ ਉਸ ਨੇ 20 ਸਾਲ ਪਹਿਲਾਂ ਉਸ ਦੀ ਮਾਂ ਕੋਲ ਛੱਡ ਦਿੱਤਾ ਸੀ। ਜਦੋਂ ਦੋਵਾਂ ਦੀ ਮੁਲਾਕਾਤ ਹੋਈ, ਇਹ ਦੋਵਾਂ ਲਈ ਬਹੁਤ ਹੀ ਭਾਵੁਕ ਪਲ ਸਨ। ਇਕ ਰਿਪੋਰਟ ਮੁਤਾਬਕ ਕਾਲਜ ਵਿੱਚ ਮਿਲੇ ਇੱਕ ਅਸਾਈਨਮੈਂਟ ਤੋਂ ਪ੍ਰੇਰਿਤ ਹੋ ਕੇ 21 ਸਾਲਾ ਰਿਨ ਤਾਕਾਹਾਟਾ ਨੇ ਅੰਮ੍ਰਿਤਸਰ ਵਿੱਚ ਆਪਣੇ ਪਿਤਾ ਦਾ ਪਤਾ ਲਗਾਇਆ। ਓਸਾਕਾ ਯੂਨੀਵਰਸਿਟੀ ਆਫ਼ ਆਰਟਸ ਦਾ ਵਿਦਿਆਰਥੀ ਰੱਖੜੀ ਤੋਂ ਇਕ ਦਿਨ ਪਹਿਲਾਂ 18 ਅਗਸਤ ਨੂੰ ਅੰਮ੍ਰਿਤਸਰ ਪੁੱਜਿਆ ਸੀ।ਆਪਣੇ ਪਿਤਾ ਦੇ ਨਾਮ ਅਤੇ ਪੁਰਾਣੇ ਪਤੇ ਦੇ ਨਾਲ-ਨਾਲ ਆਪਣੀ ਮਾਂ, ਸਾਚੀ ਤਾਕਾਹਾਟਾ ਦੁਆਰਾ ਸੰਭਾਲ ਕੇ ਰੱਖੀਆਂ ਤਸਵੀਰਾਂ ਅਤੇ ਸਾਮਾਨ ਨਾਲ ਰਿਨ ਫਤਿਹਗੜ੍ਹ ਚੂੜੀਆਂ ਰੋਡ ‘ਤੇ ਘਰ-ਘਰ ਅਤੇ ਦੁਕਾਨ ਘੁੰਮਦਾ ਰਿਹਾ। ਸਥਾਨਕ ਲੋਕਾਂ ਨੇ ਉਸ ਦੇ ਪਿਤਾ ਨੂੰ ਪਛਾਣ ਲਿਆ ਅਤੇ ਉਸ ਨੂੰ ਅੰਮ੍ਰਿਤਸਰ ਸਥਿਤ ਉਸ ਦੇ ਨਵੇਂ ਪਤੇ ‘ਤੇ ਲੈ ਗਏ।ਸੁਖਪਾਲ ਨੂੰ ਥਾਈਲੈਂਡ ਵਿੱਚ ਮਿਲਣ ਤੋਂ ਬਾਅਦ ਆਪਣੀ ਪਹਿਲੀ ਪਤਨੀ ਸਾਚੀ ਨਾਲ ਪਿਆਰ ਹੋ ਗਿਆ। ਉਨ੍ਹਾਂ ਨੇ 2002 ਵਿੱਚ ਜਾਪਾਨ ਵਿੱਚ ਵਿਆਹ ਕੀਤਾ ਅਤੇ ਚਿਬਾ ਕੇਨ ਵਿੱਚ ਰਹਿਣ ਲੱਗੇ। ਰਿਨ ਦਾ ਜਨਮ 2003 ਵਿੱਚ ਹੋਇਆ ਸੀ, ਪਰ ਜੋੜੇ ਵਿੱਚ ਕੁਝ ਮਤਭੇਦ ਸਨ ਅਤੇ ਸੁਖਪਾਲ ਭਾਰਤ ਵਾਪਸ ਆ ਗਿਆ। ਉਸ ਨੇ ਕਿਹਾ, “ਮੈਂ ਰੱਖੜੀ ਲਈ ਆਪਣੇ ਸਹੁਰੇ ਘਰ ਗਿਆ ਸੀ, ਉਦੋਂ ਮੈਨੂੰ ਮੇਰੇ ਭਰਾ ਦਾ ਫੋਨ ਆਇਆ ਕਿ ਮੇਰਾ ਬੇਟਾ ਜਾਪਾਨ ਤੋਂ ਆਇਆ ਹੈ। ਮੈਂ ਹੈਰਾਨ ਰਹਿ ਗਿਆ ਅਤੇ ਵਾਪਸ ਆ ਗਿਆ। ”ਦੋਵੇਂ ਪਿਓ-ਪੁੱਤ ਨੇ ਪਹਿਲਾਂ ਵੀ ਵੱਖ-ਵੱਖ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਰਾਹੀਂ ਇਕ-ਦੂਜੇ ਨੂੰ ਲੱਭਣ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਉਹ ਅਸਫਲ ਰਹੇ ਸਨ। ਰਿਨ ਨੇ ਕਿਹਾ, ‘‘ਮੈਂ ਆਪਣੀ ਮਾਂ ਬਾਰੇ ਜਾਣਦਾ ਸੀ, ਪਰ ਮੈਂ ਆਪਣੇ ਪਿਤਾ ਬਾਰੇ ਉਨ੍ਹਾਂ ਦੇ ਨਾਂ ਤੋਂ ਇਲਾਵਾ ਕੁਝ ਨਹੀਂ ਜਾਣਦਾ ਸੀ। ਇਸੇ ਗੱਲ ਨੇ ਮੈਨੂੰ ਉਸ ਨੂੰ ਲੱਭਣ ਲਈ ਪ੍ਰੇਰਿਤ ਕੀਤਾ।”



ਸੁਖਪਾਲ ਨੇ ਕਿਹਾ, “ਸਾਚੀ ਭਾਰਤ ਆਈ ਅਤੇ ਅਸੀਂ ਦੋਵੇਂ ਫਿਰ ਜਾਪਾਨ ਚਲੇ ਗਏ। ਹਾਲਾਂਕਿ, ਗਲਤਫਹਿਮੀਆਂ ਜਾਰੀ ਰਹੀਆਂ। ਮੈਂ 2007 ਵਿੱਚ ਦੁਬਾਰਾ ਵਾਪਸ ਆਇਆ ਅਤੇ ਬਾਅਦ ਵਿੱਚ ਗੁਰਵਿੰਦਰਜੀਤ ਕੌਰ ਨਾਲ ਵਿਆਹ ਕੀਤਾ, ਜਿਸ ਤੋਂ ਮੇਰੀ ਇੱਕ ਬੇਟੀ ਹੈ। ਰੱਖੜੀ ਉਤੇ ਸੁਖਪਾਲ ਦੀ ਬੇਟੀ ਨੇ ਆਪਣੇ ਜਾਪਾਨੀ ਭਰਾ ਨੂੰ ਰੱਖੜੀ ਬੰਨ੍ਹੀ। ਇਹ ਪੁੱਛੇ ਜਾਣ ‘ਤੇ ਕਿ ਕੀ ਉਹ ਆਪਣੇ ਮਾਤਾ-ਪਿਤਾ ਸੁਖਪਾਲ ਅਤੇ ਸਾਚੀ ਨੂੰ ਦੁਬਾਰਾ ਮਿਲਾਉਣਾ ਚਾਹੁੰਦਾ ਹੈ, ਰਿਨ ਨੇ ਕਿਹਾ: “ਬੇਸ਼ਕ, ਮੈਂ ਚਾਹੁੰਦਾ ਹਾਂ ਕਿ ਉਹ ਘੱਟੋ-ਘੱਟ ਇੱਕ ਵਾਰ ਜ਼ਰੂਰ ਮਿਲਣ।” ਰਿਨ ਨੇ ਕਿਹਾ ਕਿ ਉਹ ਪਰਿਵਾਰ ਨੂੰ ਮਿਲਣ ਲਈ ਭਾਰਤ ਆਉਣਾ ਜਾਰੀ ਰੱਖਣਾ ਚਾਹੁੰਦਾ ਹੈ।

Story You May Like