ਇੰਸਟੈਂਟ ਮੈਸੇਜਿੰਗ ਐਪ ਵਟਸਐਪ ਨੂੰ ਲੈਕੇ ਕਾਫੀ ਸਮੇਂ ਤੋਂ ਧੋਖਾਧੜੀ ਦੀਆਂ ਖਬਰਾਂ ਆ ਰਹੀਆਂ ਹਨ। ਹਾਲ ਹੀ ਚ ਇਕ ਖਬਰ ਸਾਹਮਣੇ ਆਈ ਹੈ, ਜਿਸ ਚ ਦੱਸਿਆ ਗਿਆ ਹੈਕਿ ਨਵੀਂ ਮੁੰਬਈ 'ਚ ਇਕ ਵਿਅਕਤੀ ਵਟਸਐਪ ਫਰਾਡ ਦਾ ਸ਼ਿਕਾਰ ਹੋ ਗਿਆ ਹੈ ਜਿਸ ਕਾਰਨ ਉਸ ਨੂੰ 43.45 ਲੱਖ ਰੁਪਏ ਦਾ ਭਾਰੀ ਨੁਕਸਾਨ ਹੋਇਆ ਹੈ। ਘਪਲੇਬਾਜ਼ਾਂ ਨੇ ਵਿਅਕਤੀ ਨੂੰ ਆਨਲਾਈਨ ਕੰਮ ਰਾਹੀਂ ਪੈਸੇ ਕਮਾਉਣ ਦਾ ਵਾਅਦਾ ਕੀਤਾ। ਪਰ ਵਿਅਕਤੀ ਨੇ ਆਪਣਾ ਬੈਂਕ ਬੈਲੇਂਸ ਗੁਆ ਦਿੱਤਾ।

ਇਸ ਵਿਅਕਤੀ ਨੂੰ ਵਟਸਐਪ ਤੇ ਇਕ ਮੈਸੇਜ ਆਇਆ ਜਿਸ 'ਚ ਲਿਖਿਆ ਸੀ ਕਿ ਉਸ ਨੂੰ ਆਨਲਾਈਨ ਕੋਈ ਕੰਮ ਕਰਨਾ ਪਵੇਗਾ ਜਿਸ ਰਾਹੀਂ ਪੈਸੇ ਕਮਾਏ ਜਾ ਸਕਣ। ਵਿਅਕਤੀ ਨੂੰ ਲੱਗਾ ਕਿ ਉਸ ਨੂੰ ਅਜਿਹਾ ਮੌਕਾ ਦੁਬਾਰਾ ਨਹੀਂ ਮਿਲੇਗਾ ਅਤੇ ਉਹ ਇਸ ਮੈਸੇਜ ਚ ਫਸ ਗਿਆ। ਵਿਅਕਤੀ ਨੂੰ ਵੱਖ-ਵੱਖ ਖਾਤਿਆਂ 'ਚ ਪੈਸੇ ਭੇਜਣ ਲਈ ਕਿਹਾ ਗਿਆ ਅਤੇ ਉਸ ਨੇ ਅਜਿਹਾ ਕੀਤਾ। ਪਰ ਘਪਲੇਬਾਜ਼ਾਂ ਨੇ ਦਾਅਵੇ ਅਨੁਸਾਰ ਵਿਅਕਤੀ ਨੂੰ ਪੈਸੇ ਵਾਪਸ ਨਹੀਂ ਕੀਤੇ। ਧੋਖਾਧੜੀ ਕਰਨ ਵਾਲਿਆਂ ਖਿਲਾਫ ਭਾਰਤੀ ਦੰਡਾਵਲੀ ਦੀ ਧਾਰਾ 420 ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।

ਇਸ ਵਿਅਕਤੀ ਨੂੰ ਵਟਸਐਪ 'ਤੇ ਇਕ ਮੈਸੇਜ ਮਿਲਿਆ ਜਿਸ 'ਚ ਲਿਖਿਆ ਸੀ ਕਿ ਉਸ ਨੂੰ ਆਨਲਾਈਨ ਕੋਈ ਕੰਮ ਕਰਨਾ ਹੋਵੇਗਾ ਜਿਸ ਰਾਹੀਂ ਉਹ ਪੈਸੇ ਕਮਾ ਸਕੇ। ਵਿਅਕਤੀ ਨੂੰ ਲੱਗਾ ਕਿ ਉਸ ਨੂੰ ਅਜਿਹਾ ਮੌਕਾ ਦੁਬਾਰਾ ਨਹੀਂ ਮਿਲੇਗਾ ਅਤੇ ਉਹ ਇਸ ਮੈਸੇਜ 'ਚ ਫਸ ਗਿਆ। ਵਿਅਕਤੀ ਨੂੰ ਵੱਖ-ਵੱਖ ਖਾਤਿਆਂ ਚ ਪੈਸੇ ਭੇਜਣ ਲਈ ਕਿਹਾ ਗਿਆ ਅਤੇ ਉਸ ਨੇ ਅਜਿਹਾ ਕੀਤਾ। ਪਰ ਧੋਖੇਬਾਜ਼ਾਂ ਨੇ ਉਕਤ ਵਿਅਕਤੀ ਨੂੰ ਦਾਅਵੇ ਅਨੁਸਾਰ ਪੈਸੇ ਵਾਪਸ ਨਹੀਂ ਕੀਤੇ। ਧੋਖਾਧੜੀ ਕਰਨ ਵਾਲਿਆਂ ਖਿਲਾਫ ਭਾਰਤੀ ਦੰਡਾਵਲੀ ਦੀ ਧਾਰਾ 420 ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।

ਸਕੈਮਰ ਅਕਸਰ ਤੁਹਾਡੀ ਨਿੱਜੀ ਜਾਣਕਾਰੀ ਪ੍ਰਾਪਤ ਕਰਨ ਲਈ ਫਿਸ਼ਿੰਗ ਤਕਨੀਕਾਂ ਦੀ ਵਰਤੋਂ ਕਰਦੇ ਹਨ, ਇਸਲਈ ਉਪਭੋਗਤਾਵਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਅਣਜਾਣ ਨੰਬਰਾਂ ਦੇ ਕਿਸੇ ਵੀ ਸੰਦੇਸ਼ ਤੇ ਭਰੋਸਾ ਨਾ ਕਰਨ। ਜੇਕਰ ਕਿਸੇ ਅਣਜਾਣ ਨੰਬਰ ਤੋਂ ਕੋਈ ਸੁਨੇਹਾ ਆਉਂਦਾ ਹੈ ਅਤੇ ਇਸ ਵਿੱਚ ਕੋਈ ਵੀ URL ਹੈ ਜਿਸ ਤੇ ਤੁਹਾਨੂੰ ਕਲਿੱਕ ਕਰਨ ਲਈ ਕਿਹਾ ਜਾਂਦਾ ਹੈ ਤਾਂ ਇਸ ਨੂੰ ਪੂਰੀ ਤਰ੍ਹਾਂ ਨਜ਼ਰਅੰਦਾਜ਼ ਕਰ ਦਿਓ। ਅਜਿਹਾ ਕਰਨ ਨਾਲ ਤੁਹਾਡਾ ਨਿੱਜੀ ਡਾਟਾ, ਵਿੱਤੀ ਜਾਣਕਾਰੀ ਡੈਬਿਟ ਕਾਰਡ ਦੇ ਵੇਰਵੇ ਆਦਿ ਚੋਰੀ ਕੀਤੇ ਜਾ ਸਕਦੇ ਹਨ। ਜੇਕਰ ਤੁਹਾਨੂੰ ਅਜਿਹੀ ਕੋਈ ਕਾਲ ਜਾਂ ਮੈਸੇਜ ਆਉਂਦਾ ਹੈ ਤਾਂ ਤੁਹਾਨੂੰ ਇਸ ਨੂੰ ਪੂਰੀ ਤਰ੍ਹਾਂ ਨਜ਼ਰਅੰਦਾਜ਼ ਕਰਨਾ ਹੋਵੇਗਾ।

ਤੁਹਾਨੂੰ ਉਨ੍ਹਾਂ ਸੁਨੇਹਿਆਂ ਤੋਂ ਸੁਚੇਤ ਰਹਿਣਾ ਹੋਵੇਗਾ ਜੋ ਤੁਹਾਨੂੰ ਟੈਲੀਵਿਜ਼ਨ ਗੇਮ ਸ਼ੋਅ ਤੋਂ ਕਾਰ ਜਾਂ ਲਾਟਰੀ ਜਿੱਤਣ ਲਈ ਭਰਮਾਉਂਦੇ ਹਨ। ਅਜਿਹੇ ਸੁਨੇਹੇ ਤੁਹਾਡੇ ਪੂਰੇ ਬੈਂਕ ਖਾਤੇ ਨੂੰ ਖਾਲੀ ਕਰਨ ਲਈ ਜ਼ਿੰਮੇਵਾਰ ਹੋ ਸਕਦੇ ਹਨ। ਅਜਿਹੇ ਸੰਦੇਸ਼ਾਂ ਲਈ WhatsApp ਇੱਕ ਇਨ-ਐਪ ਰਿਪੋਰਟਿੰਗ ਵਿਕਲਪ ਪ੍ਰਦਾਨ ਕਰਦਾ ਹੈ ਜੋ ਉਪਭੋਗਤਾਵਾਂ ਨੂੰ ਅਜਿਹੇ ਸੰਦੇਸ਼ਾਂ ਦੀ ਰਿਪੋਰਟ ਕਰਨ ਦੀ ਆਗਿਆ ਦਿੰਦਾ ਹੈ।

ਜੇਕਰ ਤੁਸੀਂ WhatsApp ਤੇ ਮੈਸੇਜ ਫਾਰਵਰਡ ਕਰਨ ਦੇ ਸ਼ੌਕੀਨ ਹੋ ਤਾਂ ਇਹ ਆਦਤ ਤੁਹਾਨੂੰ ਫਸਾ ਸਕਦੀ ਹੈ। ਵਟਸਐਪ 'ਤੇ ਕਿਸੇ ਵੀ ਤਰ੍ਹਾਂ ਦੀ ਘਪਲੇ ਅਸ਼ਲੀਲ ਜਾਂ ਗੈਰ-ਕਾਨੂੰਨੀ ਸਮੱਗਰੀ ਨੂੰ ਸਾਂਝਾ ਨਾ ਕਰੋ। ਇਸ ਦੀ ਬਜਾਏ ਤੁਹਾਨੂੰ ਅਜਿਹੇ ਸੰਦੇਸ਼ਾਂ ਦੀ ਤੁਰੰਤ ਰਿਪੋਰਟ ਕਰਨੀ ਚਾਹੀਦੀ ਹੈ। ਤੁਸੀਂ ਉਹਨਾਂ ਨੂੰ ਬਲੌਕ ਵੀ ਕਰ ਸਕਦੇ ਹੋ।