ਗੂਗਲ ਨੇ ਭਾਰਤ 'ਚ ਐਂਡ੍ਰਾਇਡ ਯੂਜ਼ਰਸ ਲਈ ਇਕ ਖਾਸ ਸਿਸਟਮ ਲਿਆਂਦਾ ਹੈ ਜਿਸ ਰਾਹੀਂ ਭੂਚਾਲ ਸੰਬੰਧੀ ਅਲਰਟ ਪ੍ਰਾਪਤ ਕੀਤਾ ਜਾ ਸਕਦਾ ਹੈ। ਇਹ ਸਿਸਟਮ ਤੁਹਾਨੂੰ ਭੂਚਾਲ ਤੋਂ ਪਹਿਲਾਂ ਚੇਤਾਵਨੀ ਦੇਣ ਲਈ ਐਕਸੀਲੇਰੋਮੀਟਰਾਂ ਵਾਂਗ ਤੁਹਾਡੇ ਫ਼ੋਨ 'ਚ ਸੈਂਸਰਾਂ ਦੀ ਵਰਤੋਂ ਕਰਦਾ ਹੈ। ਦੁਨੀਆ ਭਰ ਦੇ ਕਈ ਦੇਸ਼ਾਂ ਵਿੱਚ ਐਂਡਰਾਇਡ ਭੂਚਾਲ ਚੇਤਾਵਨੀ ਸਿਸਟਮ ਪਹਿਲਾਂ ਹੀ ਮੌਜੂਦ ਹੈ। ਇਸ ਸਿਸਟਮ ਰਾਹੀਂ ਭੂਚਾਲ ਆਉਣ ਤੋਂ ਪਹਿਲਾਂ ਹੀ ਚੇਤਾਵਨੀ ਦਿੱਤੀ ਜਾਂਦੀ ਹੈ। ਪਰ ਗੂਗਲ ਹੁਣ ਇਸ ਨੂੰ ਨੈਸ਼ਨਲ ਡਿਜ਼ਾਸਟਰ ਮੈਨੇਜਮੈਂਟ ਅਥਾਰਟੀ (NDMA) ਅਤੇ ਰਾਸ਼ਟਰੀ ਭੂਚਾਲ ਕੇਂਦਰ (NSC) ਦੀ ਮਦਦ ਨਾਲ ਭਾਰਤ ਲਿਆ ਰਿਹਾ ਹੈ।

ਗੂਗਲ ਦਾ ਕਹਿਣਾ ਹੈਕਿ ਇਹ ਸਿਸਟਮ ਐਕਸੀਲੇਰੋਮੀਟਰ ਨੂੰ ਸੀਸਮੋਗ੍ਰਾਫ ਦੇ ਤੌਰ ਤੇ ਇਸਤੇਮਾਲ ਕਰੇਗਾ ਅਤੇ ਫੋਨ ਨੂੰ ਇਕ ਮਿੰਨੀ ਭੂਚਾਲ ਡਿਟੈਕਟਰ ਵਿਚ ਬਦਲ ਦੇਵੇਗਾ। ਜਦੋਂ ਤੁਹਾਡਾ ਫ਼ੋਨ ਚਾਰਜ ਹੋ ਰਿਹਾ ਹੈ ਅਤੇ ਹਿੱਲ ਨਹੀਂ ਰਿਹਾ ਹੈ ਤਾਂ ਇਹ ਭੂਚਾਲ ਦੇ ਪਹਿਲੇ ਸੰਕੇਤ ਨੂੰ ਮਹਿਸੂਸ ਕਰਨ ਦੇ ਯੋਗ ਹੋਵੇਗਾ। ਜੇਕਰ ਭੂਚਾਲ ਸਬੰਧੀ ਅਲਰਟ ਇੱਕੋ ਸਮੇਂ ਕਈ ਫ਼ੋਨਾਂ ਵਿੱਚ ਆਉਂਦੇ ਹਨ, ਤਾਂ ਗੂਗਲ ਦੇ ਸਰਵਰ ਇਹ ਪਤਾ ਲਗਾ ਸਕਦੇ ਹਨ ਕਿ ਭੂਚਾਲ ਆ ਰਿਹਾ ਹੈ ਅਤੇ ਇਹ ਕਿੱਥੇ ਅਤੇ ਕਿੰਨਾ ਜ਼ੋਰਦਾਰ ਹੋਵੇਗਾ।

ਗੂਗਲ ਦੇ ਸਰਵਰ ਨੇੜਲੇ ਫੋਨਾਂ ਨੂੰ ਚੇਤਾਵਨੀਆਂ ਭੇਜਦੇ ਹਨ। ਇਨ੍ਹਾਂ ਨੂੰ ਦੋ ਤਰੀਕਿਆਂ ਨਾਲ ਸ਼੍ਰੇਣੀਬੱਧ ਕੀਤਾ ਗਿਆ ਹੈ। ਸਭ ਤੋਂ ਪਹਿਲਾਂ 'ਬੀ ਕੇਅਰਫੁੱਲ ਅਲਰਟ' ਹੈ ਜੋ 4.5 ਜਾਂ ਇਸ ਤੋਂ ਵੱਧ ਤੀਬਰਤਾ ਦੇ ਭੂਚਾਲਾਂ ਦੌਰਾਨ ਭੇਜੀ ਜਾਂਦੀ ਹੈ। ਦੂਸਰਾ ਟੇਕ ਐਕਸ਼ਨ ਅਲਰਟ ਹੈ ਜੋ 4.5 ਜਾਂ ਇਸ ਤੋਂ ਵੱਧ ਤੀਬਰਤਾ ਦੇ ਭੂਚਾਲ ਦੇ ਦੌਰਾਨ ਭੇਜਿਆ ਜਾਂਦਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਜੇਕਰ ਤੇਜ਼ ਭੂਚਾਲ ਆਉਂਦਾ ਹੈ ਤਾਂ ਇਹ ਡੂ ਨਾਟ ਡਿਸਟਰਬ ਸੈਟਿੰਗਜ਼ ਨੂੰ ਬਾਈਪਾਸ ਕਰਦਾ ਹੈ ਅਤੇ ਸਕ੍ਰੀਨ ਨੂੰ ਚਾਲੂ ਕਰਦਾ ਹੈ। ਉੱਚੀ ਆਵਾਜ਼ ਵੀ ਕਰਦਾ ਹੈ। ਇਸ 'ਚ ਯੂਜ਼ਰਸ ਨੂੰ ਸੁਰੱਖਿਆ ਲਈ ਕੁਝ ਜ਼ਰੂਰੀ ਵੇਰਵੇ ਦਿੱਤੇ ਗਏ ਹਨ।

ਫ਼ੋਨ ਸੈਟਿੰਗਾਂ 'ਤੇ ਜਾਓ। ਫਿਰ ਸੁਰੱਖਿਆ ਅਤੇ ਐਮਰਜੈਂਸੀ 'ਤੇ ਟੈਪ ਕਰੋ।
ਇਸ ਤੋਂ ਬਾਅਦ ਭੂਚਾਲ ਅਲਰਟ 'ਤੇ ਟੈਪ ਕਰੋ।
ਜੇਕਰ ਤੁਹਾਨੂੰ ਸੁਰੱਖਿਆ ਅਤੇ ਸੰਕਟਕਾਲੀਨ ਵਿਕਲਪ ਨਹੀਂ ਦਿਸਦਾ ਹੈ, ਤਾਂ ਟਿਕਾਣਾ 'ਤੇ ਟੈਪ ਕਰੋ ਅਤੇ ਉੱਨਤ 'ਤੇ ਜਾਓ। ਫਿਰ ਭੂਚਾਲ ਚੇਤਾਵਨੀਆਂ 'ਤੇ ਟੈਪ ਕਰੋ।
ਇਸ ਤੋਂ ਬਾਅਦ ਇਸ ਆਪਸ਼ਨ ਨੂੰ ਚਾਲੂ ਕਰੋ।