Congress promises Rs 1 lakh to every poor family, every year-Warring says
ਗੂਗਲ ਦਾ ਵੱਡਾ ਐਲਾਨ! Pixel ਸਮਾਰਟਫ਼ੋਨ ਭਾਰਤ 'ਚ ਬਣਾਏ ਜਾਣਗੇ, ਪਰ ਸਿਰਫ਼ ਇੱਕ ਸਵਾਲ ਹੈ- ਕੀ ਇਹ ਸਸਤੇ ਹੋਣਗੇ?
ਗੂਗਲ ਨੇ ਭਾਰਤੀਆਂ ਨੂੰ ਵੱਡੀ ਖੁਸ਼ਖਬਰੀ ਦਿੱਤੀ ਹੈ। ਗੂਗਲ ਹੁਣ ਭਾਰਤ 'ਚ ਪਿਕਸਲ ਸੀਰੀਜ਼ ਦੇ ਫੋਨ ਬਣਾਏਗਾ। ਮੇਡ ਇਨ ਇੰਡੀਆ ਡਿਵਾਈਸ 2024 ਤੋਂ ਉਪਲਬਧ ਹੋਣਗੇ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ 'ਚ ਗੂਗਲ ਪਿਕਸਲ ਫੋਨ ਦਾ ਕਾਫੀ ਕ੍ਰੇਜ਼ ਹੈ। ਗੂਗਲ ਫੋਨ ਐਪਲ ਦੇ ਆਈਫੋਨ ਅਤੇ ਸੈਮਸੰਗ ਦੇ ਫਲੈਗਸ਼ਿਪ ਫੋਨਾਂ ਨਾਲ ਮੁਕਾਬਲਾ ਕਰਦੇ ਹਨ। ਕੰਪਨੀ ਨੇ ਹਾਲ ਹੀ ਚ ਗੂਗਲ ਪਿਕਸਲ 8 ਸੀਰੀਜ਼ ਲਾਂਚ ਕੀਤੀ ਹੈ।
ਹੁਣ ਕੰਪਨੀ ਨੇ ਐਲਾਨ ਕੀਤਾ ਹੈਕਿ ਉਹ Pixel ਫੋਨ ਭਾਰਤ 'ਚ ਬਣਾਏਗੀ। ਕੰਪਨੀ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿੱਤੀ। ਗੂਗਲ ਦੇ ਡਿਵਾਈਸਾਂ ਅਤੇ ਸੇਵਾਵਾਂ ਦੇ ਮੁਖੀ ਰਿਕ ਓਸਟਰਲੋਹ ਨੇ ਕਿਹਾ ਕਿ ਕੰਪਨੀ ਭਾਰਤ ਵਿੱਚ ਫੋਨ ਬਣਾਉਣ ਲਈ ਅੰਤਰਰਾਸ਼ਟਰੀ ਨਿਰਮਾਤਾਵਾਂ ਨਾਲ ਸਾਂਝੇਦਾਰੀ ਕਰੇਗੀ।
ਓਸਟਰਲੋਹ ਨੇ ਇੱਥੇ 'ਗੂਗਲ ਫਾਰ ਇੰਡੀਆ' ਈਵੈਂਟ 'ਚ ਕਿਹਾ 'ਅਸੀਂ ਭਾਰਤ 'ਚ ਗੂਗਲ ਪਿਕਸਲ ਸੀਰੀਜ਼ ਦੇ ਸਮਾਰਟਫੋਨ ਦਾ ਨਿਰਮਾਣ ਸ਼ੁਰੂ ਕਰਾਂਗੇ।' ਉਨ੍ਹਾਂ ਨੇ ਇਹ ਐਲਾਨ ਦੂਰਸੰਚਾਰ ਮੰਤਰੀ ਅਸ਼ਵਨੀ ਵੈਸ਼ਨਵ ਦੀ ਮੌਜੂਦਗੀ 'ਚ ਕੀਤਾ।
'ਤੇ ਸੁੰਦਰ ਪਿਚਾਈ ਨੇ ਲਿਖਿਆ ਅਸੀਂ ਭਾਰਤ ਦੇ ਡਿਜੀਟਲ ਵਿਕਾਸ ਵਿੱਚ ਇੱਕ ਭਰੋਸੇਮੰਦ ਭਾਈਵਾਲ ਬਣਨ ਲਈ ਵਚਨਬੱਧ ਹਾਂ - ਮੇਕ ਇਨ ਇੰਡੀਆ ਲਈ ਸਮਰਥਨ ਦੀ ਕਦਰ ਕਰਦੇ ਹਾਂ।
ਗੂਗਲ ਦਾ ਫੈਸਲਾ ਐਪਲ ਦੇ ਨਕਸ਼ੇ-ਕਦਮਾਂ 'ਤੇ ਚੱਲਦਾ ਹੈ, ਜਿਸ ਨੇ ਭਾਰਤ ਵਿੱਚ ਆਪਣੇ ਸਪਲਾਇਰਾਂ ਦੇ ਨੈਟਵਰਕ ਨੂੰ ਮਜ਼ਬੂਤ ਕਰਨ ਲਈ ਇੱਕ ਸਮਾਨ ਪਹੁੰਚ ਵਰਤੀ ਹੈ। ਇਸ ਪ੍ਰੋਗਰਾਮ ਵਿੱਚ ਐਪਲ ਦੀ ਭਾਗੀਦਾਰੀ ਨਾਲ ਆਈਫੋਨ ਉਤਪਾਦਨ ਵਿੱਚ ਵਾਧਾ ਹੋਇਆ ਹੈ, ਜੋ ਮਾਰਚ 2023 ਵਿੱਚ ਖਤਮ ਹੋਣ ਵਾਲੇ ਵਿੱਤੀ ਸਾਲ ਦੌਰਾਨ $7 ਬਿਲੀਅਨ ਤੋਂ ਵੱਧ ਹੋਣ ਦੀ ਸੰਭਾਵਨਾ ਹੈ। ਗੂਗਲ ਵੀ ਇਸੇ ਤਰ੍ਹਾਂ ਭਾਰਤ 'ਚ ਐਂਟਰੀ ਕਰ ਰਿਹਾ ਹੈ।
ਐਪਲ ਭਾਰਤ ਵਿੱਚ ਆਈਫੋਨ ਅਸੈਂਬਲ ਕਰ ਰਿਹਾ ਹੈ। ਪਰ ਕੀਮਤ ਨਹੀਂ ਘਟੀ ਹੈ। ਅਜਿਹਾ ਇਸ ਲਈ ਕਿਉਂਕਿ ਆਈਫੋਨ ਨੂੰ ਸਿਰਫ ਭਾਰਤ 'ਚ ਅਸੈਂਬਲ ਕੀਤਾ ਜਾ ਰਿਹਾ ਹੈ। ਪਰ ਹਿੱਸੇ ਅਜੇ ਵੀ ਦੂਜੇ ਦੇਸ਼ਾਂ ਤੋਂ ਆ ਰਹੇ ਹਨ| ਅਜਿਹੇ 'ਚ ਕੀਮਤ ਪਹਿਲਾਂ ਵਾਂਗ ਹੀ ਹੈ। ਗੂਗਲ ਨੇ ਅਜੇ ਇਸ ਦੀ ਕੀਮਤ ਬਾਰੇ ਨਹੀਂ ਦੱਸਿਆ ਹੈ। ਅਜਿਹੇ 'ਚ ਜਦੋਂ ਮੇਡ ਇਨ ਇੰਡੀਆ ਫੋਨ 2024 'ਚ ਲਾਂਚ ਹੋਣਗੇ ਤਾਂ ਪ੍ਰਸ਼ੰਸਕਾਂ ਦੀਆਂ ਨਜ਼ਰਾਂ ਕੀਮਤ ਤੇ ਹੋਣਗੀਆਂ।