ਨਵੀਂ ਦਿੱਲੀ: ਭਾਰਤੀ ਸ਼ੇਅਰ ਬਾਜ਼ਾਰ 'ਚ ਵੀਰਵਾਰ ਨੂੰ ਵੱਡੀ ਗਿਰਾਵਟ ਦਰਜ ਕੀਤੀ ਗਈ। ਸੋਮਵਾਰ ਨੂੰ ਸੈਂਸੈਕਸ 500 ਅੰਕ ਡਿੱਗ ਗਿਆ ਜਦੋਂ ਕਿ ਨਿਫਟੀ ਗਿਰਾਵਟ ਤੋਂ ਬਾਅਦ 20000 ਤੋਂ ਹੇਠਾਂ ਖਿਸਕ ਗਿਆ। ਆਈਓਬੀ ਦੇ ਸ਼ੇਅਰ ਚਾਰ ਫੀਸਦੀ ਡਿੱਗੇ ਜਦਕਿ ਐਚਡੀਐਫਸੀ ਦੇ ਸ਼ੇਅਰ ਤਿੰਨ ਫੀਸਦੀ ਡਿੱਗੇ। ਸਵੇਰੇ 9.37 ਵਜੇ ਸੈਂਸੈਕਸ 394.58 (0.58%) ਅੰਕਾਂ ਦੀ ਗਿਰਾਵਟ ਤੋਂ ਬਾਅਦ 67,202.26 ਤੇ ਕਾਰੋਬਾਰ ਕਰਦਾ ਦੇਖਿਆ ਗਿਆ ਅਤੇ ਨਿਫਟੀ 113.96 (0.57%) ਅੰਕ ਡਿੱਗ ਕੇ 20,019.35 'ਤੇ ਕਾਰੋਬਾਰ ਕਰਦਾ ਦੇਖਿਆ ਗਿਆ।

ਅਮਰੀਕੀ ਫੈਡਰਲ ਰਿਜ਼ਰਵ ਦੀ ਮੀਟਿੰਗ ਦੇ ਨਤੀਜਿਆਂ ਤੋਂ ਪਹਿਲਾਂ ਅਮਰੀਕੀ ਬਾਂਡ ਯੀਲਡ 16 ਸਾਲ ਦੇ ਉੱਚ ਪੱਧਰ ਤੇ ਪਹੁੰਚਣ ਕਾਰਨ ਬੁੱਧਵਾਰ ਨੂੰ ਭਾਰਤੀ ਬਾਜ਼ਾਰਾਂ ਦੀ ਸ਼ੁਰੂਆਤ ਕਮਜ਼ੋਰ ਰਹੀ। ਐਚਡੀਐਫਸੀ ਬੈਂਕ ਰਿਲਾਇੰਸ ਇੰਡਸਟਰੀਜ਼ ਅਤੇ ਇੰਫੋਸਿਸ ਵਰਗੇ ਪ੍ਰਮੁੱਖ ਸਟਾਕਾਂ ਵਿੱਚ ਘਾਟੇ ਦੇ ਕਾਰਨ ਬੁੱਧਵਾਰ ਨੂੰ ਘਰੇਲੂ ਬੈਂਚਮਾਰਕ ਸੂਚਕਾਂਕ ਘਾਟੇ ਨਾਲ ਖੁੱਲ੍ਹੇ। ਸ਼ੁਰੂਆਤੀ ਕਾਰੋਬਾਰ ਵਿੱਚ, BSF ਸੈਂਸੈਕਸ 573 ਅੰਕ ਜਾਂ 0.85% ਦੀ ਗਿਰਾਵਟ ਦੇ ਨਾਲ 67,023 ਤੇ ਕਾਰੋਬਾਰ ਕਰਦਾ ਦੇਖਿਆ ਗਿਆ। ਉਸੇ ਸਮੇਂ, ਨਿਫਟੀ 130 ਅੰਕ ਜਾਂ 0.64% ਫਿਸਲ ਕੇ 20,002 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਸੀ।

ਸੈਂਸੈਕਸ ਕੰਪਨੀਆਂ ਵਿੱਚ ਐਚਡੀਐਫਸੀ ਬੈਂਕ, ਟੇਕ ਮਹਿੰਦਰਾ, ਟਾਟਾ ਸਟੀਲ, ਭਾਰਤੀ ਏਅਰਟੈੱਲ ਅਤੇ ਇੰਫੋਸਿਸ ਘਾਟੇ ਨਾਲ ਖੁੱਲ੍ਹੇ, ਜਦੋਂ ਕਿ ਆਈਸੀਆਈਸੀਆਈ ਬੈਂਕ, ਪਾਵਰ ਗਰਿੱਡ, ਐਲਐਂਡਟੀ, ਇੰਡਸਇੰਡ ਬੈਂਕ, ਐਕਸਿਸ ਬੈਂਕ ਲਾਭ ਨਾਲ ਖੁੱਲ੍ਹੇ। ਬੁੱਧਵਾਰ ਨੂੰ HDFC ਬੈਂਕ ਦੇ ਸ਼ੇਅਰ ਤਿੰਨ ਫੀਸਦੀ ਤੱਕ ਡਿੱਗ ਗਏ। HDFC ਬੈਂਕ ਨੇ ਸੋਮਵਾਰ ਨੂੰ ਕਿਹਾ ਕਿ HDFC ਬੈਂਕ ਦੇ ਨਾਲ ਰਲੇਵੇਂ ਤੋਂ ਬਾਅਦ 1 ਜੁਲਾਈ ਤੋਂ ਉਸਦੀ ਕੁੱਲ ਗੈਰ-ਕਾਰਗੁਜ਼ਾਰੀ ਜਾਇਦਾਦ (NPAs) ਵਧਣ ਦੀ ਸੰਭਾਵਨਾ ਹੈ।

ਭਾਰਤ ਡਾਇਨਾਮਿਕਸ ਦੇ IAF ਨਾਲ 291 ਕਰੋੜ ਰੁਪਏ ਦੇ ਇਕਰਾਰਨਾਮੇ ਤੇ ਹਸਤਾਖਰ ਕੀਤੇ ਜਾਣ ਤੋਂ ਬਾਅਦ ਕੰਪਨੀ ਦੇ ਸ਼ੇਅਰ 3% ਵੱਧ ਕੇ ਖੁੱਲ੍ਹੇ। ਸੈਕਟਰ ਦੇ ਹਿਸਾਬ ਨਾਲ ਨਿਫਟੀ ਫਾਈਨੈਂਸ਼ੀਅਲ ਸਰਵਿਸਿਜ਼ 'ਚ 0.87 ਫੀਸਦੀ ਅਤੇ ਨਿਫਟੀ ਬੈਂਕ 'ਚ 0.68 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਐਫਐਮਸੀਜੀ, ਆਈਟੀ, ਫਾਰਮਾ, ਰਿਐਲਟੀ ਅਤੇ ਹੈਲਥਕੇਅਰ ਸੈਕਟਰ ਵੀ ਗਿਰਾਵਟ ਨਾਲ ਖੁੱਲ੍ਹੇ। ਵਿਆਪਕ ਬਾਜ਼ਾਰ ਵਿੱਚ, ਨਿਫਟੀ ਮਿਡਕੈਪ 100 0.05% ਵਧਿਆ, ਜਦੋਂ ਕਿ ਸਮਾਲਕੈਪ 100 ਸਪਾਟ ਖੁੱਲ੍ਹਿਆ।