रवनीत बिट्टू के जगराओं चुनाव कार्यालय का उद्घाटन दौरान उमड़ा जन सैलाब
ਮਾਡਲ ਦਿਵਿਆ ਪਾਹੂਜਾ : ਪੰਜਾਬ ਦੇ ਇਸ ਸ਼ਹਿਰ 'ਚ ਲਾਕ ਮਿਲੀ BMW ਕਾਰ, ਹੁਣ ਖੁੱਲ੍ਹੇਗਾ ਰਾਜ਼
ਚੰਡੀਗੜ੍ਹ : ਪੁਲੀਸ ਨੇ ਅੱਜ ਗੈਂਗਸਟਰ ਸੰਦੀਪ ਗਡੋਲੀ ਦੀ ਪ੍ਰੇਮਿਕਾ ਮਾਡਲ ਦਿਵਿਆ ਪਾਹੂਜਾ ਦੇ ਕਤਲ ਕੇਸ ਵਿੱਚ ਗ੍ਰਿਫ਼ਤਾਰ ਤਿੰਨਾਂ ਮੁਲਜ਼ਮਾਂ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ, ਜਿੱਥੇ ਅਦਾਲਤ ਨੇ ਉਨ੍ਹਾਂ ਨੂੰ ਪੰਜ ਦਿਨ ਦੇ ਰਿਮਾਂਡ ’ਤੇ ਪੁਲੀਸ ਹਵਾਲੇ ਕਰ ਦਿੱਤਾ। ਪੁਲੀਸ ਨੇ ਮੁਲਜ਼ਮ ਦੀ ਬੀਐਮਡਬਲਿਊ ਕਾਰ ਵੀਰਵਾਰ ਨੂੰ ਪਟਿਆਲਾ ਤੋਂ ਬਰਾਮਦ ਕੀਤੀ ਹੈ। ਜਿਸ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਜਦਕਿ ਦਿਵਿਆ ਦੀ ਲਾਸ਼ ਦਾ ਨਿਪਟਾਰਾ ਕਰਨ ਵਾਲੇ ਦੋ ਦੋਸ਼ੀ ਅਜੇ ਫਰਾਰ ਹਨ। ਹਾਲਾਂਕਿ ਪੁਲਿਸ ਨੂੰ ਅਜੇ ਤੱਕ ਦਿਵਿਆ ਪਾਹੂਜਾ ਦੀ ਲਾਸ਼ ਨਹੀਂ ਮਿਲੀ ਹੈ। ਪੁਲਿਸ ਹੁਣ ਗੱਡੀ ਦਾ ਤਾਲਾ ਖੋਲ੍ਹਣ ਅਤੇ ਇਹ ਜਾਂਚ ਕਰਨ ਵਿਚ ਲੱਗੀ ਹੋਈ ਹੈ ਕਿ ਕੀ ਲਾਸ਼ਾਂ ਅਜੇ ਵੀ ਗੱਡੀ ਵਿਚ ਹਨ ਜਾਂ ਦੋਸ਼ੀ ਗੱਡੀ ਨੂੰ ਕਿਤੇ ਹੋਰ ਨਿਪਟਾਉਣ ਤੋਂ ਬਾਅਦ ਪਟਿਆਲੇ ਛੱਡ ਗਏ ਹਨ। ਪੁਲੀਸ ਨੂੰ ਇਸ ਕਤਲ ਕੇਸ ਵਿੱਚ ਤਿੰਨ ਹੋਰ ਸੀਸੀਟੀਵੀ ਫੁਟੇਜ ਵੀ ਮਿਲੀਆਂ ਹਨ। ਦਰਅਸਲ, ਮਾਡਲ ਦਿਵਿਆ ਪਾਹੂਜਾ ਦੀ ਗੁੜਗਾਓਂ ਦੇ ਹੋਟਲ ਸਿਟੀ ਪੁਆਇੰਟ ਵਿੱਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ।
ਲਾਸ਼ ਨੂੰ ਲਗਜ਼ਰੀ ਕਾਰ ਵਿੱਚ ਪਾ ਕੇ ਨਿਪਟਾਰਾ ਕੀਤਾ ਗਿਆ। ਪੁਲਸ ਨੇ ਦਿਵਿਆ ਦੀ ਭੈਣ ਨੈਨਾ ਪਾਹੂਜਾ ਦੀ ਸ਼ਿਕਾਇਤ 'ਤੇ ਕਤਲ ਦਾ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਮੁੱਖ ਦੋਸ਼ੀ ਹੋਟਲ ਮਾਲਕ ਅਭਿਜੀਤ ਸਮੇਤ ਤਿੰਨ ਲੋਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਇਨ੍ਹਾਂ ਦੀ ਪਛਾਣ ਹਿਸਾਰ ਦੇ 56 ਸਾਲਾ ਅਭਿਜੀਤ ਸਿੰਘ, ਨੇਪਾਲ ਮੂਲ ਦੇ 28 ਸਾਲਾ ਹੇਮਰਾਜ ਅਤੇ ਪੱਛਮੀ ਬੰਗਾਲ ਦੇ 23 ਸਾਲਾ ਓਮ ਪ੍ਰਕਾਸ਼ ਵਜੋਂ ਹੋਈ ਹੈ। ਅਦਾਲਤ 'ਚ ਪੇਸ਼ ਕਰਨ ਤੋਂ ਬਾਅਦ ਇਨ੍ਹਾਂ ਨੂੰ ਪੰਜ ਦਿਨਾਂ ਦੇ ਰਿਮਾਂਡ 'ਤੇ ਲਿਆ ਗਿਆ ਹੈ।
ਮੁਲਜ਼ਮ ਅਭਿਜੀਤ ਨੇ ਦੱਸਿਆ ਕਿ ਉਸ ਨੇ ਹੋਟਲ ਸਿਟੀ ਪੁਆਇੰਟ ਲੀਜ਼ ’ਤੇ ਦਿੱਤਾ ਹੋਇਆ ਹੈ। ਦਿਵਿਆ ਪਾਹੂਜਾ ਕੋਲ ਦੋਸ਼ੀ ਅਭਿਜੀਤ ਸਿੰਘ ਦੀਆਂ ਕੁਝ ਅਸ਼ਲੀਲ ਤਸਵੀਰਾਂ ਸਨ। ਦਿਵਿਆ ਉਸ ਨੂੰ ਬਲੈਕਮੇਲ ਕਰਕੇ ਪੈਸੇ ਲੈਂਦੀ ਸੀ ਅਤੇ ਹੁਣ ਮੋਟੀ ਰਕਮ ਵਸੂਲਣਾ ਚਾਹੁੰਦੀ ਸੀ। 2 ਜਨਵਰੀ ਨੂੰ ਜਦੋਂ ਅਭਿਜੀਤ ਸਿੰਘ ਦਿਵਿਆ ਨਾਲ ਹੋਟਲ ਆਇਆ ਤਾਂ ਉਸ ਦੀਆਂ ਅਸ਼ਲੀਲ ਫੋਟੋਆਂ ਉਸ ਦੇ ਫੋਨ ਤੋਂ ਡਿਲੀਟ ਕਰਨਾ ਚਾਹੁੰਦਾ ਸੀ।
ਪਰ ਦਿਵਿਆ ਪਾਹੂਜਾ ਨੇ ਫੋਨ ਦਾ ਪਾਸਵਰਡ ਨਹੀਂ ਦੱਸਿਆ। ਜਿਸ 'ਤੇ ਉਸ ਨੇ ਦਿਵਿਆ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਇਸ ਤੋਂ ਬਾਅਦ ਹੋਟਲ ਦੇ ਕਰਮਚਾਰੀ ਹੇਮਰਾਜ ਅਤੇ ਓਮ ਪ੍ਰਕਾਸ਼ ਨੇ ਲਾਸ਼ ਨੂੰ ਬੀਐਮਡਬਲਿਊ ਕਾਰ ਵਿੱਚ ਰੱਖਿਆ। ਇਸ ਤੋਂ ਬਾਅਦ ਉਸ ਨੇ ਆਪਣੇ ਦੋ ਹੋਰ ਦੋਸਤਾਂ ਨੂੰ ਬੁਲਾਇਆ ਅਤੇ ਲਾਸ਼ ਦੇ ਨਿਪਟਾਰੇ ਲਈ ਆਪਣੀ ਕਾਰ ਉਨ੍ਹਾਂ ਨੂੰ ਦਿੱਤੀ।
Hindis
Thought of the day
