ਹਲਕਾ ਪੂਰਬੀ ਚ ਆਪ ਉਮੀਦਵਾਰ ਪੱਪੀ ਦੇ ਹੱਕ ਚ ਰੱਖੀਆਂ ਮੀਟਿੰਗਾਂ ਧਾਰਨ ਲੱਗੀਆਂ ਰੈਲੀ ਦਾ ਰੂਪ
'ਸਾਗਰ ਦੀ ਵਹੁਟੀ' ... ਦੋ ਦਹਾਕੇ ਪੁਰਾਣਾ ਗੀਤ ਪਾ ਰਿਹਾ ਇੰਟਰਨੈੱਟ 'ਤੇ ਧਮਾਲਾਂ
ਸਰਹੱਦਾਂ ਪਾਰ ਕਰ ਗਈ ਹੈ ਗੀਤ ਦੀ ਲੋਕਪ੍ਰਿਅਤਾ, ਇੱਕ ਹੋਰ ਫੇਸਬੁੱਕ ਰੀਲ ਵਿੱਚ ਓਨਟਾਰੀਓ ਵਿੱਚ ਪੰਜਾਬੀਆਂ ਅਤੇ ਕੈਨੇਡੀਅਨਾਂ ਨੂੰ ਝੂਮਦੇ ਹੋਏ ਦੇਖ ਰਹੇ ਨੇ ਦਰਸ਼ਕ
ਅੰਮ੍ਰਿਤਸਰ : ਜ਼ਿਲ੍ਹੇ ਦੇ ਪਿੰਡ ਗੰਡੀਵਿੰਡ ਦੇ ਰਹਿਣ ਵਾਲੇ ਗਾਇਕ ਸਤਨਾਮ ਸਾਗਰ ਅਤੇ ਉਨ੍ਹਾਂ ਦੀ ਪਤਨੀ ਸ਼ਰਨਜੀਤ ਸ਼ੰਮੀ ਪਿਛਲੇ ਹਫਤੇ ਤੋਂ ਸੋਸ਼ਲ ਮੀਡੀਆ 'ਤੇ ਸਨਸਨੀ ਬਣੇ ਹੋਏ ਹਨ। 2005 'ਚ ਆਇਆ ਗਾਇਕ ਜੋੜੀ ਦਾ ਗੀਤ "ਸਾਗਰ ਦੀ ਵੋਹਟੀ ਲੈਂਦੀ ਇੰਡੀਕਾ ਚਲਾ" ਹਾਲ ਹੀ ਵਿੱਚ ਖੂਬ ਵਾਇਰਲ ਹੋਇਆ ਹੈ।
ਆਪਣੀ ਲੋਕ ਪ੍ਰਿਯਤਾ ਵਿੱਚ ਅਚਾਨਕ ਹੋਏ ਵਾਧੇ ਨੂੰ ਦੇਖ ਕੇ, ਸਤਨਾਮ ਸਾਗਰ ਨੇ ਟਿੱਪਣੀ ਕੀਤੀ, "ਉਸ ਸਮੇਂ ਵੀ ਗੀਤ ਨੂੰ ਚੰਗਾ ਹੁੰਗਾਰਾ ਮਿਲਿਆ ਸੀ, ਪਰ ਅੱਜ ਦੇ ਸੋਸ਼ਲ ਮੀਡੀਆ ਦੇ ਯੁੱਗ ਵਿੱਚ, ਇਹ ਜੰਗਲ ਦੀ ਅੱਗ ਵਾਂਗ ਇੰਟਰਨੈਟ ਨੂੰ ਤੋੜ ਰਿਹਾ ਹੈ।"
ਬਾਲੀਵੁੱਡ ਅਭਿਨੇਤਾ ਦਿਲਜੀਤ ਦੋਸਾਂਝ, ਕਾਮੇਡੀਅਨ ਭਾਰਤੀ ਸਿੰਘ, ਪੰਜਾਬੀ ਗਾਇਕ ਨਿਮਰਤ ਖਹਿਰਾ ਅਤੇ ਮਨਕੀਰਤ ਔਲਖ ਵਰਗੀਆਂ ਮਸ਼ਹੂਰ ਹਸਤੀਆਂ ਨੇ ਅਤੇ ਸੋਸ਼ਲ ਮੀਡੀਆ ਦੇ ਬਹੁਤ ਸਾਰੇ influencers ਨੇ ਗੀਤ ਉਪਰ ਰੀਲਾਂ ਬਣਾਈਆਂ ਹਨ।
ਅਤੀਤ ਨੂੰ ਯਾਦ ਕਰਦਿਆਂ ਸਾਗਰ ਨੇ ਕਿਹਾ, "ਦੋ ਦਹਾਕੇ ਪਹਿਲਾਂ, ਮੇਰੇ ਦੋਸਤ ਗੀਤ ਲਿਖਣ ਅਤੇ ਕੰਪੋਜ਼ ਕਰਨ ਲਈ ਮੇਰਾ ਮਜ਼ਾਕ ਉਡਾਉਂਦੇ ਸਨ, ਪਰ ਮੇਰੀਆਂ ਐਲਬਮਾਂ ਅਜੇ ਵੀ ਵਧੀਆ ਪ੍ਰਦਰਸ਼ਨ ਕਰਨ ਵਿੱਚ ਕਾਮਯਾਬ ਰਹੀਆਂ। 'ਫੁੱਲਾਂ ਵਾਲੀ ਰਜਾਈ' ਅਤੇ 'ਛਿੰਦੋ ਦੀ ਹੱਟੀ' ਵਰਗੀਆਂ ਐਲਬਮਾਂ ਖਾਸ ਤੌਰ 'ਤੇ ਪ੍ਰਸਿੱਧ ਹੋਈਆਂ।" ਉਸਨੇ ਅੱਗੇ ਆਡੀਓ ਕੈਸੇਟਾਂ ਤੋਂ ਰੀਲਾਂ ਅਤੇ ਹੁਣ ਇੰਟਰਨੈਟ ਰੀਲਾਂ ਤੱਕ ਦੇ ਸਫ਼ਰ ਦਾ ਜ਼ਿਕਰ ਕੀਤਾ। ਸਾਗਰ ਨੇ ਕਿਹਾ ਕਿ ਉਹਨਾਂ ਨੂੰ ਇੰਟਰਨੈੱਟ ਦੀ ਜ਼ਿਆਦਾ ਸਮਝ ਨਹੀਂ ਹੈ ਪਰ ਇੰਟਰਨੈੱਟ ਤੇ ਆਪਣੇ ਗਾਣੇ ਦੀ ਪਾਪੂਲੈਰਿਟੀ ਤੋਂ ਬਾਗੋ ਬਾਗ਼ ਹਨ।
Hindis
Thought of the day
