ਭਗਵੰਤ ਮਾਨ ਨੇ ਲੁਧਿਆਣਾ ਤੋਂ ਲੋਕ ਸਭਾ ਉਮੀਦਵਾਰ ਅਸ਼ੋਕ ਪਰਾਸ਼ਰ ਪੱਪੀ ਲਈ ਜਗਰਾਉਂ ਵਿਖੇ ਕੀਤਾ ਚੋਣ ਪ੍ਰਚਾਰ
ਸ਼ਰਾਬ ਦੇ ਸ਼ੌਕੀਨਾਂ ਲਈ ਖੁਸ਼ਖਬਰੀ, ਹੁਣ ਸ਼ਹਿਰ ‘ਚ ਖੁੱਲ੍ਹਣਗੇ ਨਵੇਂ ਠੇਕੇ
ਜਲੰਧਰ : ਜ਼ਿਲੇ ‘ਚ ਬਣੇ 20 ਗਰੁੱਪਾਂ ‘ਚੋਂ 15 ਗਰੁੱਪਾਂ ਦੇ ਟੈਂਡਰ ਸਫਲ ਹੋ ਚੁੱਕੇ ਹਨ ਅਤੇ ਬੀਤੇ ਦਿਨ 3 ਨਵੇਂ ਗਰੁੱਪਾਂ ਦੇ ਟੈਂਡਰ ਸਫਲ ਐਲਾਨੇ ਗਏ। ਇਸ ਕਾਰਨ ਹੁਣ ਮਹਾਂਨਗਰ ਵਿੱਚ 18 ਗਰੁੱਪਾਂ ਦੇ ਟੈਂਡਰਾਂ ਦੀ ਪ੍ਰਕਿਰਿਆ ਮੁਕੰਮਲ ਹੋ ਗਈ ਹੈ। ਆਬਕਾਰੀ ਵਿਭਾਗ ਵੱਲੋਂ 3 ਨਵੇਂ ਆਏ ਟੈਂਡਰਾਂ ਲਈ ਲਾਇਸੈਂਸ ਜਾਰੀ ਕਰ ਦਿੱਤੇ ਗਏ ਹਨ, ਜਿਸ ਕਾਰਨ ਸ਼ੁੱਕਰਵਾਰ ਯਾਨੀ ਅੱਜ ਤੋਂ ਮਹਾਨਗਰ ਵਿੱਚ 53 ਨਵੇਂ ਠੇਕੇ ਖੋਲ੍ਹੇ ਜਾਣਗੇ।
ਆਮ ਆਦਮੀ ਪਾਰਟੀ ਵੱਲੋਂ ਪੰਜਾਬ ਵਿੱਚ ਲਿਆਂਦੀ ਗਈ ਨਵੀਂ ਆਬਕਾਰੀ ਨੀਤੀ ਸਬੰਧੀ ਠੇਕੇਦਾਰਾਂ ਦੇ ਮਿਲੇ-ਜੁਲੇ ਰਵੱਈਏ ਕਾਰਨ ਵਿਭਾਗ ਨੇ ਗਰੁੱਪਾਂ ਦੇ ਰੇਟਾਂ ਵਿੱਚ 15 ਫੀਸਦੀ ਤੱਕ ਦੀ ਕਟੌਤੀ ਕੀਤੀ ਹੈ। 28 ਜੂਨ ਨੂੰ ਕੀਮਤਾਂ ਘਟਾਉਣ ਦੀ ਪ੍ਰਕਿਰਿਆ ਸ਼ੁਰੂ ਹੋਈ ਅਤੇ 3 ਵਾਰ 5-5 ਫੀਸਦੀ ਕੀਮਤਾਂ ‘ਚ ਕਟੌਤੀ ਕੀਤੀ ਗਈ। ਇਸ ਕਾਰਨ ਸ਼ੁਰੂ ਵਿੱਚ ਗਰੁੱਪ ਲੈਣ ਵਾਲੇ ਠੇਕੇਦਾਰਾਂ ਨੂੰ ਭਾਅ ਘਟਾਉਣ ਦਾ ਲਾਭ ਨਹੀਂ ਮਿਲ ਸਕਿਆ।
ਵਿਭਾਗ ਹੁਣ ਸਰਕਾਰੀ ਠੇਕੇ ਵਾਲੀ ਥਾਂ ਲਈ 6 ਠੇਕੇ ਖੋਲ੍ਹਣ ‘ਤੇ ਧਿਆਨ ਦੇ ਰਿਹਾ ਹੈ। ਇਨ੍ਹਾਂ ਵਿੱਚ ਬਾਕੀ ਰਹਿੰਦੇ 2 ਗਰੁੱਪ ਸ਼ਾਮਲ ਹਨ, ਜਿਨ੍ਹਾਂ ਵਿੱਚ ਮਾਡਲ ਟਾਊਨ ਗਰੁੱਪ ਲਈ 17, ਲੈਦਰ ਕੰਪਲੈਕਸ ਗਰੁੱਪ ਲਈ 25 ਠੇਕੇ ਖੋਲ੍ਹਣ ਦੀ ਵਿਵਸਥਾ ਹੈ। ਇਨ੍ਹਾਂ 2 ਗਰੁੱਪਾਂ ਵਿੱਚ ਵਿਭਾਗ ਵੱਲੋਂ ਸ਼ੁਰੂਆਤੀ ਪੜਾਅ ਵਿੱਚ 6 ਠੇਕੇ ਖੋਲ੍ਹੇ ਜਾਣਗੇ। ਵਿਭਾਗ ਵੱਲੋਂ ਮਾਰਕਫੈੱਡ ਨਾਲ ਮਿਲ ਕੇ ਠੇਕੇ ਖੋਲ੍ਹਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਵਿਭਾਗ ਨੂੰ ਸਰਕਾਰੀ ਠੇਕੇ ਖੋਲ੍ਹਣ ਲਈ ਮੈਨਪਾਵਰ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ ਪਰ ਹੁਣ 18 ਗਰੁੱਪ ਸੈੱਲ ਹੋਣ ਕਾਰਨ ਬਾਕੀ 2 ਗਰੁੱਪਾਂ ਲਈ 6 ਠੇਕੇ ਖੋਲ੍ਹਣ ਲਈ ਵਿਭਾਗ ਨੂੰ ਸਟਾਫ਼ ਦੀ ਘਾਟ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ। ਆਬਕਾਰੀ ਵਿਭਾਗ ਦੀ ਨਿਗਰਾਨੀ ਹੇਠ ਮਾਰਕਫੈੱਡ ਦੇ ਮੁਲਾਜ਼ਮਾਂ ਨੂੰ ਠੇਕੇ ’ਤੇ ਤਾਇਨਾਤ ਕਰਕੇ ਸਰਕਾਰੀ ਰੇਟਾਂ ’ਤੇ ਵੇਚਿਆ ਜਾਵੇਗਾ।
Story You May Like
Hindis
Thought of the day
