ਮੁੱਖ ਮੰਤਰੀ ਮਾਨ ਦਾ ਹਲਕਾ ਪੂਰਬੀ ਦੇ ਇਲਾਕਾ ਟਿੱਬਾ ਰੋਡ 'ਚ ਰੋਡ ਸ਼ੋਅ , ਪੱਪੀ ਨੂੰ ਵੋਟ ਪਾਉਣ ਦੀ ਕੀਤੀ ਅਪੀਲ
ਪੀਏਯੂ ਦੀਆਂ ਵਿਦਿਆਰਥਣਾਂ ਨੇ ਜਿੱਤੀਆਂ ਖੋਜ ਫੈਲੋਸ਼ਿਪਾਂ
ਲੁਧਿਆਣਾ, 22 ਮਾਰਚ : ਪੀ.ਏ.ਯੂ.ਦੇ ਮਨੁੱਖੀ ਵਿਕਾਸ ਅਤੇ ਪਰਿਵਾਰ ਅਧਿਐਨ ਵਿਭਾਗ ਵਿੱਚ ਪੀਐਚਡੀ ਖੋਜਕਰਤਾ ਕੁਮਾਰੀ ਵਿਤਸਤਾ ਧਵਨ ਨੇ ਆਈ ਸੀ ਐੱਸ ਐੱਸ ਆਰ ਦਾ ਐਵਾਰਡ ਪ੍ਰਾਪਤ ਕਰਕੇ ਸੰਸਥਾ ਦੇ ਮਾਣ ਵਿੱਚ ਵਾਧਾ ਕੀਤਾ ਹੈ। ਕੁਮਾਰੀ ਵਿਤਸਤਾ ਨੂੰ ਇਹ ਡਾਕਟੋਰਲ ਫੈਲੋਸ਼ਿਪ "ਕਿਸ਼ੋਰਾਂ ਵਿੱਚ ਜੀਵਨ ਵਿੱਚ ਉਦੇਸ਼ ਦੇ ਸਬੰਧਾਂ ਵਜੋਂ ਸਮਾਜਿਕ ਸਹਾਇਤਾ ਅਤੇ ਡਿਜੀਟਲ ਲਤ ਦਾ ਮਾਤਰਾਤਮਕ ਅਤੇ ਗੁਣਾਤਮਕ ਮੁਲਾਂਕਣ" ਸਿਰਲੇਖ ਵਾਲੇ ਅਧਿਐਨ 'ਤੇ ਕੰਮ ਕਰਨ ਲਈ ਦਿੱਤੀ ਜਾ ਰਹੀ ਹੈ। ਇਸ ਪ੍ਰਾਪਤੀ ਲਈ ਉਸਨੂੰ 12 ਮਹੀਨਿਆਂ ਲਈ 2,40,000/- ਰੁਪਏ ਦੀ ਫੈਲੋਸ਼ਿਪ ਦੇ ਨਾਲ ਪ੍ਰਤੀ ਸਾਲ 20,000/- ਰੁਪਏ ਦੀ ਅਚਨਚੇਤੀ ਗ੍ਰਾਂਟ ਨਾਲ ਵੀ ਨਿਵਾਜ਼ਿਆ ਜਾਏਗਾ।
ਵਿਭਾਗ ਦੀ ਇੱਕ ਹੋਰ ਪੀਐਚਡੀ ਵਿਦਿਆਰਥਣ ਕੁਮਾਰੀ ਨਿਸ਼ਿਤਾ ਸਿੰਘ ਨੇ "ਕੈਰੀਅਰ ਦੇ ਫੈਸਲੇ ਲੈਣ ਦਾ ਤੁਲਨਾਤਮਕ ਵਿਸ਼ਲੇਸ਼ਣ" ਸਿਰਲੇਖ ਵਾਲੇ ਅਧਿਐਨ 'ਤੇ ਕੰਮ ਕਰਨ ਲਈ ਸਾਵਿਤਰੀਬਾਈ ਜੋਤੀਰਾਓ ਫੂਲੇ ਸਿੰਗਲ ਗਰਲ ਚਾਈਲਡ ਫੈਲੋਸ਼ਿਪ ਪ੍ਰਾਪਤ ਕੀਤੀ। ਇਸ ਤਹਿਤ ਉਸਨੂੰ ਜੂਨੀਅਰ ਰਿਸਰਚ ਫੈਲੋਸ਼ਿਪ ਵਿਚ ਆਉਣ ਵਾਲੇ 3 ਸਾਲਾਂ ਲਈ 3,72,000/- ਰੁਪਏ ਪ੍ਰਤੀ ਸਾਲ ਦੀ ਰਕਮ ਨਾਲ 10,000/- ਰੁਪਏ ਪ੍ਰਤੀ ਸਾਲ ਦੀ ਵਾਧੂ ਅਚਨਚੇਤੀ ਗ੍ਰਾਂਟ ਪ੍ਰਾਪਤ ਹੋਵੇਗੀ।
ਪੀਏਯੂ ਦੇ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ, ਡਾ: ਪਰਦੀਪ ਕੁਮਾਰ ਛੁਨੇਜਾ, ਡੀਨ ਪੋਸਟ ਗ੍ਰੈਜੂਏਟ ਸਟੱਡੀਜ਼; ਡਾ: ਕਿਰਨਜੋਤ ਸਿੱਧੂ, ਡੀਨ, ਕਾਲਜ ਆਫ਼ ਕਮਿਊਨਿਟੀ ਸਾਇੰਸ; ਵਿਭਾਗ ਦੇ ਮੁਖੀ ਡਾ: ਦੀਪਿਕਾ ਵਿਗ ਨੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ | ਸ਼੍ਰੀਮਤੀ ਵਿਤਸਟਾ ਧਵਨ ਦੇ ਮੁੱਖ ਸਲਾਹਕਾਰ ਡਾ. ਤੇਜਪ੍ਰੀਤ ਕੰਗ ਅਤੇ ਕੁਮਾਰੀ ਨਿਸ਼ਿਤਾ ਸਿੰਘ ਦੇ ਮੁੱਖ ਸਲਾਹਕਾਰ ਡਾ.ਦੀਪਿਕਾ ਵਿਗ ਨੇ ਵੀ ਇਸ ਪ੍ਰਾਪਤੀ ਲਈ ਇਨ੍ਹਾਂ ਵਿਦਿਆਰਥੀਆਂ ਦੀ ਸ਼ਲਾਘਾ ਕੀਤੀ।
Story You May Like
Hindis
Thought of the day
